كتير ما تلاقي حد عَـ الفيس يتشبحن عليك ويقولك هقفلك الأكونت او ههكره واخده منك ويعرف اسرارك بقي فَـ انتَ تتخض بقي وتسحب شهقة زي بتوع الملوخية كدا وتقعد تلف حوالين نفسك مش عارف هتعمل اية
او حتي هو هيعمل اية علشان نتجنبه
او حتي هو هيعمل اية علشان نتجنبه
-----
مبدئيآ اللي بيسحب اكونتك بيعتمد علي ثغرات يقدر يسحب منها الاكونت بتاعك..
فَـ احنا عاوزين نقفل الثغرات دي بحيث نخلي ايميلك شبه مستحيل يتقفل.. .
فَـ احنا عاوزين نقفل الثغرات دي بحيث نخلي ايميلك شبه مستحيل يتقفل.. .
وطبعاً الامان درجات يعني في اكونت سهل جدا يتسحب وفي اكونت صعب وفي شبه مستحيل طبق اللي هقولهولك
دة من غير ما تكنسل اي خطوة وان شاء الله يكون (شبه مستحيل) ان حد يقدر يسحبه
دة من غير ما تكنسل اي خطوة وان شاء الله يكون (شبه مستحيل) ان حد يقدر يسحبه
-----
1- اول حاجه هتدخل علي Trusted Contacts وهتضيف 4 او 5 اصدقاء موثوقين ودي مهمة جداً علشان لو اتقفل او اتسحب لا قدر الله في اكواد هتتبعتلهم تقدر ترجع بيها الأكونت (يستحسن يكون حد بتتواصل معاه علي طول زي أخوك او جارك او صاحبك اللي قريب منك او حتي صاحبك اللي بتتصرمح معاه في الدروس - اكونت الفيس بتاعك لازم يكون مربوط بـ رقم تليفون محدش يعرفه خالص..ولا عن طريق الموب ولا عن طريق اسمك يعني سجل الفيس برقم محدش يقدر يوصله
2- السبب في كدا انه في ناس أقل ما يقال عنها انها قذرة ومعندهاش ضمير!
بتاخد رشوة 200 جنية وتطلعلك خط بالرقم بتاع اي حد فَـ ممكن اكون عارف
واحد مثلا رقمه 01234567899 اروح اسحبه واخد الأكونت واشخرمله الدنيا كلها
واحد مثلا رقمه 01234567899 اروح اسحبه واخد الأكونت واشخرمله الدنيا كلها
3- اخفي الرقم دا طبعا خليه only me (ومتروحش تتذاكي وتحط رقمك اللي شغال بيه هو
والرقم التاني كدا انتَ معملتش حاجة !!)
والرقم التاني كدا انتَ معملتش حاجة !!)
4- هتفعل خاصيه login approvals وجينريتور كود وامسح الرقم القديم طبعاً زي ما قولت بنبهك تاني اهو..
5- هتعمل ايميل Outlook يكون افضل او جي ميل بشرط انك تأمنه بخطوتين زي الفيس كدا يعني هتربطه برقم تليفون
وتجيلك رسالة علي تليفونك لما تيجي تخش بكود يسمحلك بالدخول.. ودا طبعاً نفس الرقم اللي محدش يعرفه
وتجيلك رسالة علي تليفونك لما تيجي تخش بكود يسمحلك بالدخول.. ودا طبعاً نفس الرقم اللي محدش يعرفه
وبردو لازم بيطلب منك حساب بديل يعني فَـ ممكن تخلي الأساسي بتاعك Outlook والتاني Gmail وتخلي الـOutlook
برقم غريب والـGmail برقمك عادي بس دا تستخدمه في موبايلك بس ومتربطش بيه اي حسابات خالص
برقم غريب والـGmail برقمك عادي بس دا تستخدمه في موبايلك بس ومتربطش بيه اي حسابات خالص
واختار أسئلة الامان واعمل اجاباتها وخدها سكرين شوت واحفظه علي جهازك عشان دي طبعا بتتنسي احسن مكان علي كارت الميموري نسخة وكمان نسخة زيها علي الكمبيوتر علشان متضيعش منك
6- بعد ما تضيف الايميل المتأمن دة هتمسح القديم طبعاً + وركز فيها كويس جدا دي
بعد ما تضيف ايميل جديد الفيس اوتوماتيك بيخلي الايميل دا ظاهر للـFriends فقط حتي لو كان القديم Only me
يعني انت بعد ما تضيف ايميل جديد تقوم رايح علي contact and basic info من قايمة about
وتخفي ايميلك تخليه only me في ساعتها مش لما حد يقولك هخترقك وبتاع
7- هتخفي تاريخ ميلادك + اي حاجه ع التايم لاين توضح يوم ميلادك يعني متخفيش التاريخ وانت خالتك من شهرين بتقولك عقبال مليون سنه يا بوجي (لاء كدا بوجي هيطلع عين امه يا خالتشي الله يسترك ----
وعلشان أغلب الناس بتعمل Save للـPost ومش بتقراه او تيجي جنبه إلا أما تحصل مصيبة
لو انتَ حاسس ان حد بيفتح أكونتك او معاه الباسورد يبقي قبل الخطوات اللي فوق دي هتدخل علي Where you were logged in من Security Settings وتمسح كل الأجهزة اللي تقابلك (غالباً لو مسحت الجهاز اللي داخل منه حالياً هيطلب منك تسجيل دخول تاني او حتي علي المسنجر فَـ متستغربش طبعاً بتغير الباسورد وهسيبلك لينك بوست إزاي تعمل Password قوي يصعب تخمينه او إختراقه
ملحوظة صغيرة..
لو انتَ مثلاً إيميلك دلوقتي Yahoo وعملت اكونت Outlook وحطيت الإتنين مع بعض وجة اللي عاوز يسحب الأكونت لقي الأتنين ومثلاً في ثغرة في الياهو هيخش يسحب الأكونت بتاع الياهو ويسحب إيميلك ويأمنه هو زي
ما قولتلك فوق ولو دكر يعني ابقي خد أكونتك منه تاني دا لو يعني..
ما قولتلك فوق ولو دكر يعني ابقي خد أكونتك منه تاني دا لو يعني..
كدا كل حاجة عن الحماية من السحب
ولاحظ ان كل خطوة متأمنه بخطوتين يعني مثلا انا قولتلك اخفي الايميل وفي نفس الوقت بقولك امن الايميل واهتم بتأمينه لأقصي درجة عشان حتي لو اللي بيسحب عرف يوصله يلاقية صعب جدا يتسحب (هيشتم نفسه عَـ اليوم اللي حاول يخترقك فيه صدقني
وكذلك رقم الموب محدش عارفه وتاريخ الميلاد كذلك..
يعني بعد دا كله لو اتسحب انتحر احسن -----
بالنسبه للقفل بقي
اي اكونت ع الفيس بيتقفل عادي جدا واي اكونت ممكن يتفتح بردو عادي جداً
فَـ احنا بنحاول نقلل فرص القفل مش بنمنعها نهائي يعني..
1- اول حاجه يكون اسمك حقيقي مش اسم مزخرف او اسم واحد عشان دي اسرع اكونتات بتتقفل
(اللي هو متكتبش في نصه "بو" والنص التاني "جي"
(اللي هو متكتبش في نصه "بو" والنص التاني "جي"
2- يكون عندك فلورز كتير كل ما عدد الفولو الحقيقي زاد عندك كل ما كان اصعب انه يتقفل
ودي تعتبر اقوي حاجة او الاساس يعني
ودي تعتبر اقوي حاجة او الاساس يعني
3- بتأكد بهوية وطبعا انت مأكده بَـ الفون من الاول
4 يكون أكونت قديم علي قد ما تقدر لو امكن واخفي الـFriends من عندك عشان لو في حد فكر يجيب اكونت اقدم من بتاعك ويضيف شوية ناس من عندك وكدا بحيث يقفلك انتحال (زي ما قولتلك فوق احنا بنحاول نصعب الموضوع بس مش بنمنعو نهائي)
5- ميكونش في عندك صور دم او سلاح او اي حاجة من دي..
6- هتعمل تطبيق ب الاكونت بتاعك وهتربط اكونتك بتويتر
ودي طريقة عمل التطبيق :
هتدخل علي https://developers.facebook.com/
وبعد كدا apps وبعد كدا تسجيل وبتسجل وبعد كدا اختار facebook canvas
هيظهرلك خانة كدا اكتب فيها اي حاجة بعد كدا دوس انشاء
هيطلعلك فئات اختار منها الاتصالات وبعد كدا سكيب وزي الفل كدا
-----
كدا خلصنا من حوار التأمين واللي جايين دول شوية لينكات كدا للفيس يمكن تحتاجهم تغيير تاريخ الميلاد (ممكن لو الناس كلها عارفة تاريخ ميلادك تخليه حاجة مختلفة إحتياطي يردو متعرفش الطعنة جاية منين
تغيير الاسم قبل 60 يوم ولازم يكون معاك بطاقة بَـ الأسم الجديد
حذف الأكونت نهائى (نهائي بكل حاجة حتي الشات من عند باقي خلق الله بيتمسح علشان لو عليك اسكرينات ولا حاجة
الإبلاغ عن انتهاك شروط فيسبوك
الإبلاغ عن حساب منتحل
الإبلاغ عن طفل دون السن القانوني (علشان العيال اللي بنشوفهم عَـ الفيس :"D)
لو اكونت واحد مات وعاوز تبعت للفيس طلب باحياء ذكراه
تأمين حسابك لو حاسس انك مخترق بس إحنا غطينا الحوار دا فوق يعني
تغير اسم المستخدم بتاعك
إزالة الحساب لشخص مريض أو مصاب أو غير مؤهل
لإبلاغ عن حساب معتقل
إبلاغ عن محتوى انتحاري
الإبلاغ عن انتهاك حقوقك أو اختراقها
--------------------
إرسال تعليق
تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ ))
الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات
آرائكم تسعدنا، لمتابعة التعليق حتى نرد عليك فقط ضع إشارة على إعلامي