التطبيق الرسمى واتس اب يعلن عن مجموعة من المميزات الجديدة لتطبيقة

ليه الشاشات مش بتعرض جميع الألوان زى بعض ؟

أعتقد معظمنا حصل له موقف إنه يروح قسم الأجهزة الإلكترونية فى مول أو معرض ما، و يشوف عدد كبير من الشاشات مرصوصة جنب بعضها و بتعرض نفس المحتوى، لكن الألوان اللى بتعرضها كل شاشة مختلفة عن التانية... عمرك سألت نفسك إيه السبب فى كدة؟

أولًا: ممكن يكون السبب حاجة بسيطة، زي إن بعض الشاشات متغير فيها قِيَم التباين (Contrast) أو "استضاءة"
الصورة (Brightness) أو اختلاف زاوية رؤيتك للشاشات، و اللى ممكن يسبب درجة من درجات التغير فى الألوان،
 أو اختلاف ظروف الإضاءة من مكان لمكان، و اللى بدوره بيأثر على استقبال عينك للألوان...

لكن أوقات كتير بتحس بتغَيُّر فى ألوان الشاشات، حتى لو الشاشتين فى نفس ظروف الإضاءة
و الاتنين ليهم نفس قِيَم الحاجات اللى فوق دى، و هنا بتيجى الفروق فى الشاشة نفسها قبل ما نتكلم فى مجتوى الموضوع نتعرف بردو على مجموعة من المعلومات العامة ايضا فى مواضيع اخرى 

• معلومات عن العالم العجوز بيل غيتس Bill Gates
• كيف يتم تنظيف شاشات الأجهزة LCD
• كل ما تود معرفة حول كلمة Bugs
• تطبيق whatsapp بيكسب منين ؟
• كيف تم إنشاء اسم Youtube ؟

أول الفروق اللى ممكن تكون موجودة بين شاشتين هو اختلاف الـColor Space:

علشان أوضح لك يعنى إيه Color Space هقول لك إن عينينا ليها القدرة على رؤية ملايين الألوان بدرجاتها،
لكن أغلب الشاشات (أو خلينا نقول كلها) معندهاش القدرة إنها تعرض لك كل الألوان اللى عينك بتشوفها؛ و بالتالي
بتعرض لك شوية ألوان مختلفة تمَشّى نفسك بيهم و تقنع نفسك إن الصورة طبيعية و كدة! شوية الألوان اللى الشاشة
 بتعرضهم دول بيكونوا جُزء من مجموعة الألوان اللى عينينا تقدر تشوفها، و دا اللى اسمه Color Space،
و اللى فى أغلب الشاشات بيكون SRGB (دا العادي فى أي شاشة جديدة ممكن تشتريها)

لكن الـSRGB مش الـColor Space الوحيد اللى الشركات المصنعة للشاشات بتستخدمه
بعض الشاشات (الغالية جدًا) بتستخدم Color Spaces تانية زي Adobe RGB و ProPhoto RGB،
 و دى بتكون شاشات معمولة للناس اللى بيحترفوا التصوير و تعديل الصور غالبًا؛ و دا لأنها بتعرض الصور بدرجات
 تَشَبُّع أكبر و تبايُن أكتر، و أسعارها زي ما قلت لك مش حنينة خالص! 

لكن انت ممكن يبقى عندك شاشتين شغالين بنفس الـColor Space، و الاتنين بيعرضوا الألوان بشكل مختلف برضو!!

قد يكون السبب فى كدة هو اختلاف الـBit Depth بتاع بيكسلات الشاشتين

الـBit Depth بيكون عبارة عن درجة تَشَبُّع البيكسل اللى بتشوفه بلون معين (أحمر أو أخضر أو أزرق)،
 و فى أغلب الشاشات اللى أسعارها متوسطة بيكون الـBit Depth بتاعها 8 Bits، و دا بيدي الشاشة إمكانية
 إنها تعرض 255 درجة من كل لون، و دا بيطلع لك درجات معقولة من الألوان

أما بعض الشاشات (اللى مش حنينة فى أسعارها برضو ) بتكون الـBit Depth بتاعها 10 Bits،
و دا بيديك 1023 درجة من كل لون؛ و دا بيديك عدد ألوان أكتر؛ و بالتالي تبايُن أكتر و صورة واقعية أكتر،
 و تَدَرُّجات ألوان أنعَم، و برضو زي ما قلت لك.. الشاشات دى بتكون أغلى بكتير من الشاشات الـ8 Bits العادية بتاعتنا

نوع الشاشة كمان من العوامل اللى بتفرق جدًا فى اختلاف الألوان:

على سبيل المثال: شاشات الـTN Panels (اللي بتُستَخدَم فى أغلب الشاشات الرخيصة و شاشات اللابات المتوسطة) بتديك زوايا رؤية ضيقة جدًا، و ألوانها بتختلف كتير لو بصيت عليها من أي زاوية حتى لو قليلة، و دى حاجة مش موجودة فى نوع شاشات زي الـIPS LCD، و اللى بتديك زوايا رؤية واسعة، و الألوان مابتتغيرش زي الـTN

كمان فى حاجة اسمها Native Contrast، و دى عبارة عن الفَرق بين أفتَح درجة من اللون الأبيض و أغمَق درجة من الأسود ممكن الشاشة تعرضهم، و طبعًا كل ما قيمة الـNative Contrast زادت كل ما كانت تفاصيل الصورة أوضح و كل ما كان تبايُن درجات الألوان أقوى...

لو كانت كل الحاجات دى واحدة بين الشاشتين اللى بتقارن بينهم، فأحب أقول لك إن لو الشاشتين من شركتين مختلفتين، فغالبًا هيكون بينهم فروق فى القِيَم القياسية للتبايُن و الاستضاءة و الكلام دا، و لو الاتنين من نفس الشركة و نفس الموديل و نفس القِيَم فى الإعدادات و نَفس كل حاجة و برضو الألوان مختلفة يبقى إما إن المصنع اللى عامل الشاشات دى زبالة، أو انت عينيك اللى فيها مشكلة بقى!