بسم الله الرحمن الرحيم
اية هو الـHDR وازاي تستفيد منه في موبايلك ؟!
.
اول حاجة اية هو الـHDR ؟!
الـHDR دا يا سيدي هو إختصار لتقنية المدي الديناميكي العالي او ما يعرف بَــHigh Dynamic Range
-عروستي عرفتها انا لما قولتلي مدي ديناميكي وشوية كلام معقد كدا
المدي الديناميكي دا هو الفرق بين اعلي نقطة في الإضائة وأقل نقطة في الإضائة في الصورة..
علي سبيل المثال لو الجو شمس وانت في جنينة وصورت صورة وكان ضمن الصورة دي مكان ضل فَـ هتلاحظ
انه في فرق كبير اوي في المدي الديناميكي للصورة دي عن لما تكون في مكان إضائته متقاربة
انه في فرق كبير اوي في المدي الديناميكي للصورة دي عن لما تكون في مكان إضائته متقاربة
العين البشرية قادرة انها تميز طيف واسع من تباين السطوع والعتمة متقدرش عدسات الكاميرات انها تحققه..
فَـ جه واحد من المسئولين عن تطوير الكاميرات وقال هتعمل اية في المصيبة دي يا قرمط.. !!
قال بس إحنا هنجيب كاميرا ونثبتها ونصور بيها كذا صورة لنفس
المشهد بتغيير نسبة التعرض للضوء (Light Exposure)
المشهد بتغيير نسبة التعرض للضوء (Light Exposure)
او زيادة زمن التعريض للضوء
بمعني اننها هنصور بنسبة تعرض للضوء قليلة فَـ هنحضل علي مشهد معتم او مظلم شوية..
وواحد تاني بنسبة متوسطة من التعرض للضوء ودي هتكون صورة عادية..
والتالتة تكون بنسبة Light Exposure عالية
وبعد كدا بيتم دمجهم مع بعض ببرامج تعديل صور إحترافية زي الـPhotoshop مثلاً
(مع العلم انه ممكن تستخدم أكتر من صورة ولكن علي الأقل 3 او دا المعتاد عامةً!! )
-طب برضو أستخدم البتاع الغريب دا امتي ؟!
متلقح عندي عَـ الموبايل وكل ما استخدمه مبحسش بأي فرق في الصور!!
=برغم ان الـHDR بيحسن في الصور بشكل كبير إلا انه مش مناسب لكل لقطات التصوير..
لكن هقولك علي بعض المشاهد اللي تنفع فيها
اغلبية المصورين بيستخدمو الوضع دا في التصوير لما يجو يصورو الطبيعة..
ويكون في فرق كبير في الإضاءة بين السما والأرض او العنصر اللي بيصوروه
وكمان من الحالات اللي لازم تستخدم فيها الـHDRR هي لما تكون بتصور جسم وخلفيته فيها إضاءة
عالية والجسم ظاهر علي هيئة ظل بس.. فَـ الـHDR هيظهرلك تفاصيل اكتر للشخص او العنصر اللي بتصوره..
عالية والجسم ظاهر علي هيئة ظل بس.. فَـ الـHDR هيظهرلك تفاصيل اكتر للشخص او العنصر اللي بتصوره..
-طب مستخدمش الـHDR دا امتى!!
=اهم سبب يخليك متستخدمش الـHDR هو انك تكون بتصور جسم متحرك..
علشان زي ما قولنا فوق بيعتمد علي انه ياخد كذا لقطة لنفس المشهد فَـ دا هيخلي الجسم المتحرك
يهنج مطرح ماهو واقف
يهنج مطرح ماهو واقف
إزاي استخدم الـHDR ؟!
في الغالب هتلاقي في تطبيق الكاميرا عندك خاصية الـHDRR ولو مش عندك ممكن
تنزل تطبيقات كاميرا تانية تدعم الموضوع دا..
تنزل تطبيقات كاميرا تانية تدعم الموضوع دا..
دا حتي في تطبيقات مخصوصة لتصوير الـHDR زي HDR Camera و Ultimate HDR Camera
ويستحسن بدل ما تتعب نفسك وكل صورة تجرب تشغله وتوقفه انك تسيبه في وضع التشغيل التلقائي وهو يتعامل بنفسه
الخلاصة
- وضع الـHDR بيعتمد علي دمج كذا صورة لتكوين صورة واحدة بشكل افضل
- الـHDR يستحسن استخدامه في الصور اللي فيها نسبة تباين كبيرة في المدي الديناميكي للإضائة
- مينصحش ابداً تستخدم في تصوير اي جسم متحرك
إرسال تعليق
تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ ))
الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات
آرائكم تسعدنا، لمتابعة التعليق حتى نرد عليك فقط ضع إشارة على إعلامي