التطبيق الرسمى واتس اب يعلن عن مجموعة من المميزات الجديدة لتطبيقة

بسم الله الرحمن الرحيم

من كام يوم، أمريكا ضربت أفغانستان بأكبر قنبلة غير نووية باستخدام الـGPS... سمعت الكلمة دى قبل كدة، صح؟ 

كلنا عندنا نظام GPS في موبايلاتنا وفي نسبة كبيرة بقت بتعتمد عليه بشكل أساسي لتحديد الأماكن اللي
 رايحينها او حتي لو لسة جديد في المنطقة وحابب تستكشفها 

ولكن السؤال هو ازاي نظام الـGPSS بيشتغل ؟!

اول حاجة كلمة (GPS) هي إختصار لـGlobal Positioning System او بالعربي نظام تحديد المواقع العالمية 

نظام GPS هو نظام أمريكي الصنع، حيث ان دولة أمريكا (أجحمهم الله جميعاً ) كانت هي اول دولة تطور النظام
دا لأجل أغراض عسكرية مش إستخدام مدني خالص ولا علشان سيادتك تقعد تلعب Pokémon GO
 وتمشي زي الأهبل في الشارع كدا 

كان استخدام النظام دا في البداية مقتصر على التطبيقات والأغراض العسكرية، وكانت امريكا بدأت تطوره علشان
يسهل عليهم مراقبة الدول المُعادية ليهم (والـ غير معادية بردو ) وعلشان يقدروا يستغلوه في الحروب
 ويعرفوا عدد قوات الجيش االي قصادهم وعلشان يلاقوا ثغرةاو نقطة ضعف في الجيش علشان يستغلوها ،
 وبعدها انتقل للاستخدامات المدنية، والتجارية، والشخصية، وبقي متاح لكل الناس..

فَـ كانوا زمان بيبعوا جهاز مستقل علشان تقدر تستفيد من النظام دا وبأسعار جيدة..

وتم إدخاله في الموبايلات، علشان يبقي معظم -إن لم يكن كل- الموبايلات في
وقتنا الحالي فيها GPS (لو معاك Nokia 3310 تقدر تتجاهل السطر دا )

وكمان تم إدخاله في السيارات والطائرات؛ علشان يستفيدوا منه في تحديد الأهداف والإرشاد الملاحي..

دا حتي شركة جوجل صممت سيارة بدون سائق شغالة بالـGPS 

وإتجهت شركات كبيرة للإعتماد عليه زي Uber و Careem علشان تحجز عربية توصلك زي تاكسي كدا

.

وكان بيرمز للنظام دا بإسم تاني وهو NAVSTAR-GPS

وملهوش دعوة بالنجوم خالص ، دا إختصار لـ :

Navagation Satellite Timing And Rangig-Global Positioning System 

(قولتلك ملهاش دعوة بالنجوم ولا كلمة Star خالص )

بحيث انهم أضافوا كلمة (NAVSTAR) اللي بترمز إلى الأقمار الصناعية اللي بتبعت البث
والإشارات الكهرومغناطيسية اللي بتستلمها أجهزة الاستقبال، وبتشتغل من خلالها.

طب يا عم الحِدِق احنا عارفين الـGPS إستفدنا اية منك كدا ؟! 

اللي انت متعرفهوش هو وجود أنظمة تانية بديلة ليه من صناعة دول تانية غير أمريكا (أجحمهم الله جميعاً بردو )

1- نظام (GLONASS) :

اللي طوره الإتحاد السوفيتي وتم تطويره تاني في السنوات الأخيرة وبقي منافس قوي لنظام الـGPS 

2- نظام جاليليو (Galileo) : تم تطويره من الإتحاد الأوروبي 

3- نظام بايدو (BeiDou) : ودا تم تطويره من الصين (حتي دي بقي فيها صيني )

بيتكون نظام تحديد المواقع العالمي (GPS) من أكثر من عشرين قمر صناعي بيدور حوالين الأرض
على ارتفاع أكثر من عشرين ألف كيلو متر.

وليتكون بردو من أجهزة استقبال (في موبايلك انت) بحيث تبعت الأقمار الصناعية إشارات كهرومغناطيسية
 فيها شوية معلومات وبعدها يقوم جهاز الاستقبال مستلمها ، وعن طريق الإشارات دي بيتم تحديد مكان
جهاز الاستقبال (موبايلك برضو! ) وزمن بث الإشارات، وموبايلك يحلل الإشارات ويعمل شوية عمليات
 حسابية علشان يحدد موقعك الفلكي بالنسبة لدواير العرض وخطوط الطول

دا كان كل شئ عن الـGPS حتي إشعارٍ آخر