التطبيق الرسمى واتس اب يعلن عن مجموعة من المميزات الجديدة لتطبيقة

السلام عليكم و رحمه الله و بركاته

بعض الإحصائيات بتقول إن نسبة مستخدمين الهواتف الذكية اللى بيستخدموا موبايلات شغالة بنظام أندرويد و i
OS فى بداية 2017 بقت أكتر من 99% من مستخدمى الهواتف الذكية فى العالم!!

انت متخيل دا معناه إيه؟!

معناه إن باقى أنظمة تشغيل الموبايل زي Microsoft Windows phone و Tizen OSS و Symbian OS
 (الله يرحمه) و Ubuntu Phone (الله يرحمه برضو) و غيرهم كتير جدا بيتشاركوا فى أقل من 1% بس من نسبة المستخدمين!!!

متخيل؟! يعنى تقدر تقول و انت مستريح إن العالم كله تقريبا بيعتمد على نظامين تشغيل بس للهواتف الذكية!

طيب ليه مظهرش أنظمة تشغيل تانية تاخد نسبة من الاتنين دول؟ و ليه الناس مبتدعمش أي نظام تشغيل تاني غير دول؟
(على سبيل المثال Windows phone أو Tizen)

الإجابة ببساطة هى: "و ليه يشتروا جهاز بنظام تشغيل تاني أصلا؟!" 

لو دورت فى تاريخ أي نظام تشغيل، هتلاقى إنه بيبدأ مليان Bugs و Glitches و قرف، و بياخد فترة على ما يوصل لنظام شبه متكامل بحيث الناس تقدر تعتمد عليه بشكل رئيسي فى حياتهم

على سبيل المثال: نظام أندرويد فى النسخ اللى ظهرت فى الأول خالص كان مليان Bugs و كان تقيل و بطىء
بشكل مبالغ فيه جدا، و كنت تحس إنه عامل زي Franknstein و ملموم كل حاجة من حتة،
و فضل يتطول لغاية ما وصل للى هو عليه دلوقتى 

نظام زي iOS كنت بتحس برضو فى الإصدارات الأولى إنه فيه مشاكل و ثغرات كتير، و كان من غير App Store
 مثلا فى الإصدار الأول! 

أي نظام تشغيل لازم له 4 عوامل رئيسية:

- نظام تشغيل بيقدم حاجة حصرية ليه هو بس

- مستخدمين بيدعموا النظام دا و بيزيدوا يوم عن يوم

- تطبيقات بتستهدف المستخدمين دول

- و أخيرا أجهزة تشتغل بالنظام دا علشان الناس يقدروا يستخدموه

على سبيل المثال:

لأن أندرويد و iOS بيقدموا خواص مميزة، الناس بدئوا يعتمدوا عليهم، مثلا أندرويد بيديك أفضل تجربة
لخدمات جوجل اللى محدش يقدر يستغنى عنها، كمان بيديك تخصيص لكل حاجة انت عاوزها و ممكن تعدل فيه براحتك
 من غير قيود، و iOS بيديك حماية أفضل من بدايل كتير (على الأقل Symbian OS)، بالإضافة لأفضل خدمات
 للمزامنة بين الأجهزة بتاعتك لدرجة إنك ممكن تنسى أي Password غير بتاع iTunes! 

دا خلى الناس يتمسكوا بالنظامين دول تحديدا
(و لأن Symbian OS و Blackberry OS المنافسين الوحيدين ليهم كانوا تقليديين جدا)

بالتالي بدأ مطورين التطبيقات يصمموا و يطوروا تطبيقات و ألعاب للنظامين دول بما إنهم بدئوا فى الانتشار بشكل واسع

دا خلى الأجهزة اللى بتتصنع بالأجهزة دى تكتر بشكل ملحوظ لأن الإقبال على الأنظمة دى كبير،
 و الناس بيشتروا نظام تشغيل أكتر منهم بيشتروا موبايل

و بما إن التطبيقات اللى الناس عاوزينها موجودة، و الأجهزة كمان موجودة، بدأ مستخدمين جداد ينضموا
 للمستخدمين الأصليين للأنظمة دى لأن فيها كل الخدمات اللى عاوزينها، و الأجهزة اللى بتشتغل بيها كتير

زيادة المستخدمين خلت المسئولين عن تطوير النظامين يشتغلوا بكل جهدهم علشان يصلحوا مشاكل
و عيوب الأنظمة دى؛ و بالتالي يجيبوا مستخدمين أكتر و شركاء أكتر (فى حالة الأندرويد)

الموضوع دا خلى المطورين يتمسكوا أكتر بالنظامين دول و يركزوا جهدهم على النظامين دول بشكل رئيسي
بما إنهم الأكتر من حيث عدد المستخدمين

و بالتالي الناس اتمسكوا بالأنظمة دى علشان التطبيقات اللى مش موجودة فى أي نظام تاني

و هكذا فى حلقة مفرغة لغاية وقتنا هذا...

---

 طيب لو انت واخد حباية الشجاعة و عاوز تدخل المجال دا و تنافس... إيه الحاجات اللى هتحتاجها علشان تعمل نظم تشغيل يكتسح الأندرويد و iOS؟!!!

ورقة و قلم و اكتب معايا كدة 

- هتحتاج نظام تشغيل مستقر زي iOS و Android أو أفضل

- هتحتاج مصنعين و شركاء يستخدموا النظام بتاعك للأجهزة بتاعتهم (زي Androidd)
 أو هتحتاج ميزانيات عملاقة علشان تصنع الأجهزة بتاعتك بنظام التشغيل بتاعك (زي iOS)

 - هتحتاج كمان خدمات حصرية و مميزة لنظام التشغيل بتاعتك تخلى بيها المستخدمين يسيبوا الأنظمة التانية
 و ينقلوا للنظام بتاعك (زي أشهر الخصائص اللى اتكلمنا عليها فوق)

 - كمان هتحتاج مطورين تطبيقات يصمموا تطبيقات و ألعاب على الأقل زي الموجودة فى النظامين
التانيين علشان الناس ميبقوش حاسين إنهم فى صحراء 

 - الأهم من كل دا إنك هتحتاج مستخدمين تطور الحاجات دى علشانهم، و علشان هما اللى يشجعوا
المطورين يشتغلوا على نظام التشغيل بتاعك و يصمموا التطبيقات و الألعاب ليه!!!

كمان كلمتين فى سرَّك كدة.. أنظمة التشغيل دلوقتى مبقتش زي زمان.. نظام تشغيل زي Microsoft Windows 10
 مثلا فيه أكتر من مليون كود و سطر برمجي!! 

طيب.. ما إحنا عندما أبسط مثال للكلام دا.. Windows Phone... يعتبر نظام تشغيل كويس جدا،
و مع ذلك ناس كتير بيعتبروه مش ناجح!

هقولك ليه... لو بصيت على خدمات البحث اللى بيقدمها مش هتلاقى خدمات Google اللى كل الناس بتحبها،
و البديل اللى استخدموه كان Bing... بلاش نجيب فى سيرة حد مش موجود بقى 

كمان خدمات التخصيص و الكلام دا مش موجودة فيه بالمستوى الموجود فى أندرويد مثلا

تطبيقات... مفيش

مستخدمين... مفيش

خدمات حصرية محدش غيره بيقدمها... مفيش خالص

دعم و تطوير... يعتبر مفيش برضو

مع ذلك النظام دا له ميزتين رئيسيتين لو كانت Microsoft ركزت عليهم كان ممكن ينافس Android و iOS

 الميزتين دول هم سهولة الاستخدام المُبالَغ فيها بصراحة، و الأداء الممتاز أيا كان سعر و مواصفات الموبايل!

مع إضافة عامل السعر الرخيص جدا كانت موبايلات ميكروسوفت هتكتسح الفئة الاقتصادية اللى كلها
موبايلات أندرويد تعبانة من حيث الهاردوير و إصدارات السوفتوير القديمة، و غياب تام لموبايلات آبل!
لكن الطمع وحش، و ميكروسوفت ركزت على المكسب القريب و نزلت موبايلات من غير أي مميزات
 فى السوفتوير بتمن موبايلات رائدة بتشتغل بأنظمة أفضل، و كانت النتيجة اللى انت شايفه دا! يمكن موضوع
 السعر و الأداء دول من النقاط اللى سامسونج بتستخدمها لتسويق نظامها الجديد Tizen، و بسبب كدة بتصر
 عليه ملايين!، لكن فى رأيى سامسونج عارفة إن المشوار طويل و إن الموضوع مش بالساهل... تفتكر هتنجح؟! 

اذا الخلاصة

كونك تصمم نظام تشغيل للموبايل دلوقتى و تنافس بيه Google و Apple يكاد يكون مستحيل، و دا بسبب إنك محتا
 توفر كل العوامل و الظروف اللى اتوفرت للنظامين دول فى بدايتهم، و اللى صعب جدا تلاقيها دلوقتى...
 فى وقت الموبايل فيه بقى أذكى من كتير من البشر