باى باس كوماند ببجى موبايل Command Pubg Bypass بدون باند دخول سيرفر الموبايل

ما هى لغة الحاسب الآلى ؟

بسم الله الرجمن الرحيم

عمرك سألت نفسك الكمبيوتر بيتكلم لغة إيه؟

-

طيب إيه هى لغة الآلة؟ و تفرق إيه عن اللغة اللى بنتكلمها؟ و هل ممكن اترجم من أي لغة للغة الآلة و اتفزلك على اصحابى؟
 و ممكن أترجم Eid Mubarak ؟ 

خلِّى أملك فى ربنا كبير 

أولا: إيه هى لغة الآلة؟

- الآلات عموما (سواء موبايل أو كمبيوتر أو أي جهاز إلكتروني تانى) بيتكلموا لغة غير كل اللغات الحية اللى احنا نعرفها،
فيما يسمى لغة الآلة أو الـBinary (يعنى مفيش كمبيوتر مثلا بيتكلم لغة الزبالين اللى انا بتكلمها دى )

و اللى مننا حاول يتعمق شوية أو يعرف أكتر عن الموضوع هيعرف ان اللغة دى بتتكون من رقمين بس (الصفر و الواحد)

- خلينى أرجع بذاكرتك سنين كتييييييييييييير ورا حصة الكمبيوتر فى سنة أولى ابتدائي..
كان فى جملة فى الكتاب ان البايت = 8 بت

Byte = 8 Bit

و طبعا بما إن المدرس كان إما مش فاهم أو مش فاضى يشرح حاجة زي دى أو مش متوقع ان الامخاخ
 الوسخة اللى قاعدة قدامه هتفهم الكلام الكبير دا حفظهالنا كدة 

أنا النهاردة بقى هشرح الدرس دا لجنابك باستفاضة و انت قاعد فى بيتك و مأنتخ على الأريكة و بتشرب كباية شاى

- أولا: البايت دا بيكون عبارة عن رقم بيمثل حرف لاتيني (ABC) أو رقم تانى أو رمز أو حتى مجرد مسافة

البايت دا بيتكون من 8 خانات جنب بعض.. كل خانة من دول اسمها بت (Bit)

XXXXXX

 الخانات دى بقى يا ريس بتاخد قيم صفر أو واحد حسب قاعدة أنا هعلمها لك حالا. المهم بقى ان الـ8 خانات دول
 على بعضهم (لوكشة واحدة) بيعتبروا حرف واحد أو رمز واحد (Character)، و قيمة البايت بتتغير
 بتغير أماكن و ترتيب الاصفار و الوحايد اللى فيه 

أنا عارف و الله انى لكاك بس انا بجيب الموضوع منذ بدء الخليقة 

- بعيدا عن الهرى الكتير الـ8 خانات دول كل واحدة ضعف اللى على يمينها، و الأولى قيمتها 1

أو لو عاوز تقول ان قيم الخانات دى من اليمين للشمال بتساوى 2 أس (رقم الخانة من على اليمين -1)
تبقى راجل برنس و خسارة فى البلد دى 

X = 2^ (n-1)

فاهم حاجة؟

طبيعي ركز معايا كدة 

المفروض ان الرقم اللى بيطلع من مجموع قيم الأرقام دى بيرمز لحرف معين أو رقم معين.

احنا بقى هنقول قيم كل بت و ازاى تمثل رقم Decimal (الأرقام بتاعة البنى آدمين دى) على الـBinary

أولا: قيم الـBits من اليمين للشمال:

1

2

4

8

16

32

64

128

معنى كدة إيه بقى؟

معناه ان لو أول بت قيمته 1 و الباقى أصفار يبقى احنا معانا رمز قيمته 1 (مش رقم 1)، و لو البت التانى 1
 و الباقى اصفار يبقى قيمة البايت كله 2، و نفس الكلام بالنسبة لباقى الـ8 خانات 

متركزش عشان متهيسش 

طيب على فرض اننا عاوزين رقم غير الـ8 أرقام دول؟

يبقى هتجمع كذا بت مع بعض.

مثال: لو عاوزين بايت قيمته 15 (خلى بالك برضو ان دا غير البايت اللى بيمثل الرقم 15)

هنمثل الرقم دا ازاى؟

00001111

و القيمة دى هتساوى 1+2+4+8+0+0+0+0 = 15

تاخد مثال تانى؟ 

-

لو البايت قيمته 22؟

00010110

و دا قيمته = 0+2+4+0+16+0+0+0 = 22 

-

كدة مفترض انك تعرف تحول أي رقم Decimal (رقم بلغتنا احنا) لرقم Binary

-

طيب او انا عاوز اكتب الأرقام و الحروف زي الكمبيوتر ما بيكتبهم بالظبط؟ 

بص يا سيدى.. الأرقام و الحروف سهل جدا تترجمهم بالطريقة اللى فوق دى، لكن هتحتاج حاجة كدة زي المفتاح الدولي اللى هتحطه قبل كل حاجة من دول. أنا عارف ان طريقة توصيلى للمعلومة زي الزفت، لذلك هندخل فى الأمثلة علطول 

الأرقام من 0 لـ9 بتاخد على الشمال 0011 و تشتغل فى الاربع خانات الباقيين براحتك 

مثال: لو عاوز اكتب مثلا 5 هتبقى كدة:

00110101

(كود البداية و قيمة الرقم زي ما علمتك فوق)

-----

أما الحروف اللاتينية فليها كود للحروف الـCapital و كود للحروف الـSmall

كود الـCapital بيكون 01 على الشمال، و الرقم اللى بتمثله على باقى البايت بيكون ترتيب الحرف بالنسبة
 للأبجدية الانجليزية

مثال: حرف (E) مثلا

ترتيبه الخامس بين الحروف؛ يبقى بالإضافة لكود الحروف الـCapital (اللى هو 01 على الشمال)
هنمثل رقم 5 على البايت

يبقى الترجمة بتاعته 

01000101

و لما تيجى تفسر البايت دا هتقول انه بدأ بـ01 إذن هو حرف Capital

و قيمة الجزء اللى على اليمين من البايت = 1+0+4 = 5

إذن دا الحرف الخامس كابيتال (يعنى E) 

-

الحروف الـsmall نفس الفكرة بالظبط بس بكود اتصالات 

011

يعنى لو هقول عاوز البايت بتاع الـm مثلا هقول:

حرف m ترتيبه الـ13 فى الحروف الانجليزية، يبقى بالإضافة لكود الحروف الصغيرة (اللى هو 011) هنمثل الرقم 13

يبقى البايت بتاعم عامل كدا:

01101101

و لما نيجى نقرأ الكود هنقول ان دا بايت أوله 011 يبقى حرف صغير، كمان اللى بعد الكود
 رقم قيمته = 1+0+4+8 = 13

إذن دا الحرف رقم 13 صغير يبقى البايت دا معناه m 

-

حاجة زي المسافة (space) البايت بتاعها 

00100000

-----

طيب لو انت راجل لماح هتقولى ان أكبر عدد من البايتس ممكن نطلعه من الـBinary هو 512 بس
 (لو قيمة البايت = 11111111 هيساوى 511 ، و لو زودت البايت اللى قيمته صفر يبقى 512 )

معقولة كل اللغات و الرموز و الحروف اللى نعرفها عددها 512 بس؟

هقولك انا سعيد انك سألت السؤال دا 

بالطبع عدد الـCharacters اللى نعرفها أكبر من العدد دا بكتير جدا
 (لمعلوماتك ان الـEmojis اللى على الموبايل أكتر من 580  )

طيب و الحل؟

العلماء قعدوا يدوروا على حل و يقولوا تعمل إيه يا قرمط؟ تعمل إيه يا قرمط؟ لغاية ما لقوا حل. قالك احنا اعتمدنا النظام
 دا من أيام الكمبيوترات الابيض و اسود، بس طلع لنا لغات زي العربي و الصيني عاوزين بايتس،
فتوصلوا لإن الحرف العربي يتمثل بـ2 بايت 

و التشكيل (الفتحة و الكسرة و كدة) برضو يبقى بـ2 بايت  و لو فى شدة تبقى هى كمان بـ2 

يعنى انت لو هتكتب أقصر كلمة فى اللغة العربية (فعل الأمر من وعى اللى هو "عِ" ) هيتمثل بـ4 بايت
زي معناه بالانجليزي (Know) 

-

كمان الأعداد لما بتكتبها بيتمثل كل رقم لواحده فى بايت

يعنى رقم 53 مثلا هيبقى كدة:

00110101 00110011

(يعنى خمسة و تلاتة) 

------------------------