باى باس كوماند ببجى موبايل Command Pubg Bypass بدون باند دخول سيرفر الموبايل

ايه الفرق بين RAW أو JPEG

بسم الله الرحمن الرحيم

لو كنت دفعت دَم قلبك وأشتريت لك DSLR فـ الوَحش اللي بين إيديك ده بيوفّر لك إمكانيات في التصوير مكنتش
 تحلم بيها حتي بعد ما تقرأ الكُتيب الضخم ده اللي بيبقي جاي معا الكاميرا فبيبقي آخرك تعرف
إيه هوا الـ ISO أو الـ shutter speed وكام كلمة عن الـ aperture وبس  

اللي متعرفهوش إن الوَحش ده بيقدر ينتج لك صور خااام وأنتا تعدل عليها براحتك ..

بمعني إن أنتا لو من النوعية اللي بتدوس علي زرار الكاميرا علشان تصوّر وخلاص كده شكراً
فـ أنتا كده بتستخدم الصورة المضغوطة اللي بتعالجها ليك الكاميرا وتخرجهالك وخلاص كده عنب خالص وبيبقي ناقص
 بعد ما تصوّر الصورة تقول أتعشت  

أما لو إنك من النوعية الحلوة اللي مبتسيبش حاجة في حالها  فـ أنتا بيبقي قدامك إنك تخلي الكاميرا تصوّر الصورة
 وتحفظها خام كده علي طول من غير ما تعدل عليها ولا أي حاجه .. الكاميرا بتحفظهالك بعَبَلها يعني وأنتا تنضَفها بعدين 

بص يا سيدي .. في الحالة العادية أنتا لمّا بتيجي تصوّر بصيغة JPEG بتدي للكاميرا أمر إنها تصوّر لك الصورة
 اللي قدامها ، بتقوم الكاميرا تاخد كل البيانات اللي داخل لها من فتحة العدسة وتعمل لها تعديل بناءً علي
 الإعدادات اللي أنتا مظبَط الكاميرا عليها من قبل كده وتضغطها وتخرّج لك الصورة جاهزة للأنك تستعملها زي ما بدالك 

لكن في حالة التصوير بالـ RAW ، فـ أنتا بتقول للكاميرا أنها تصور الصورة من غير ما تعمل لها أي تعديل خااالص
 فتقوم الكاميرا تاخد كل البيانات اللي داخلة ليها وتحفظهالك في صورة وتقول لك خد وأنتا عدلها براحتك  

يعني بتديهالك خاااااام خالص مالص وأنتا بعدين تعدّل عليها براحتك بأي برنامج
 زي الـ PhotoShop أو Lightroom أو Photomatix أو أي برنامج من برامج التعديل علي الصور ..

والـ RAW بتستخدم مساحة أكبر من الـ JPEG ؛ لأنها بتبقي جامعة كل البيانات من غير لا تعديل ولا ضغط عليها ،فهمت كده يعني إيه JPEG و RAW ؟  

..

* سلبيات وإيجابيات الأتنين : 

= إيجابيات الـ JPEG : 

- بتبقي واضحة كتير أو الـ sharpness بتاعها عالي

- حجم الصورة صغير ، تقدر تقول إن حجمها نُص حجم الـ RAW لو كاميرا 8 ميجا ممكن تنتج
 صورة حجمها من 1 لـ 3 ميجا 

- مبتحتاجش لتعديل عليها وتقدر تستخدمها علي طوول 

- تقدر تعرضها علي أي جهاز كان ، كمبيوتر أوي موبايل أو حتي أبهوني  

= سلبيات الـ JPEG :

- جودة الصورة قليلة جداً مقارنةً بالـ RAW

- أمكانية التعديل عليها قليلة جداً كمان

= إيجابيات الـ RAW : 

- جودة الصورة بتكون عالية جداً لأنها بيبقي فيها كل كبيرة وصغيرة في الصورة 

- بتديك قدرة كبيرة جداً للتعديل علي الصورة لأن الكاميرا بتلقطها وتحفظها علي طول من غير أي تعديل عليها 

= سلبيات الـ RAW : 

- الصورة مش حادة وباهتة كتير 

الصورة بتستهلك مساحة كبيرة ، ضعف الـ JPEG في أغلب الأوقات ،كمثال لو كاميرا 8 ميجا هتنتج لك
 صورة 8 ميجا مبتقدرش تستخدمها غير بعد ما تعدل عليها ببرامج التعديل زي اللي قلناها فوق
ودول سهل تنزل أي واحد منهم 

* طيب .. أمتي تستخدم JPEG وأمتي تستخدم الـ RAW ؟  

- بالنسبة للـ JPEG : 

- لما تكون عاوز تصوّر صورة وتعرضها في ساعتها علي طول ، زي الناس اللي بيصوَروا الصورة بخمسة أو عشرة جنية دول بكاميرا معفنة  

- لما تكون مش عاوز جودة عالية للصورة ، زي إنك هترفعها ع السوشيال ميديا مثلاً فعاوز أي حاجه والسلام 

- لما يكون معندكش مساحة فاضية وعاوز تلقط صور كتير

- بالنسبة للـ RAW  

- لما تكون بتصوّر حد في مناسبة ما ولسه عاوز تعمل تعديل علي الصورة وتشيل التشوهات اللي في شكله  

- لما تكون هتستخدم الصورة أستخدام صحفي أو هتبيعها لـ AD Nat Geo مثلاً  

- لما تكون عاوز خيارات تعديل أكتير علي الصورة 

.. 

الـ RAW تقدر تقول إنها زي حتِة العجينة الطرية اللي لِسّه ما أتخبزتش فبتقدر إنك تلعب فيها زي ما أنتا عاوز وتضيف عليها وتشيل منها وتحُط لها ملبن أو عجوة زي ما تحب  

إنما الـ JPEG دي بتبقي العجينة دي بعد ما أتخبزت فخلاص بتبقي لبست فيها سواء طلعت حلوة أو طلعت محروقة لكنك
 برضو بيبقي لسه في إيدك إنك تعدل عليها وترُش عليها شوية سُكر كده يجَمِلوها شوية ،
 لكن التعديل ده ممكن يبقي أكبر قبل ما تخبزها 

وصلت ؟ 

وأول عن آخر القرار قرارك تصوّر RAW أو JPEG ، ده بيبقي متوقف علي إذا كان عندك وقت وعاوز
 تقعد تلعب في الصور يبقي تصوّر RAW ، لو إنك مكسّل ومش عاوز تشغَل عقلك يبقي خليك في الـ JPEG